مێژووی ڕێكخراوی لانه‌ی مناڵانی كوردستانKCN
رێكخراوی لانه‌ی مناڵانی كوردستان KCN له‌ ساڵی 1994 دامه‌زراوه‌ . پاش گه‌شه‌كردن و فراوان بوون و چالاكتربوونی رێكخراوه‌كه‌ و ده‌رچونی بڕیاری ژماره‌ (297) له‌ 25/12/1999 ی سه‌رۆكایه‌تی هه‌رێمی كوردستان ..
بڕیاردرا پشت به‌ستن به‌و بڕیاره‌ی سه‌ره‌وه‌ ڕێكخراوی ( لانه‌ی مناڵانی كوردستان ) وه‌ك ڕێكخراوێكی ناحكومی ناوخۆیی كوردستان ( L.N.G.O) په‌ره‌ به‌كاروچالاكی و ئه‌ركه‌كانی بدات , وه‌بۆ وه‌رگرتنی مۆڵه‌تی یاسایی به‌پێ ی بڕیاری ژماره‌ (297) ی سه‌رۆكایه‌تی هه‌رێمی كوردستان ,له‌ 9/7/2001 به‌ ژماره‌ ( پ / 1231) وه‌زاره‌تی یارمه‌تی و مرۆڤایه‌تی و هاوكاری مۆڵه‌تی كارپێ كردنیان پێداین وه‌ك ڕێكخراوێكی ناحكومی ناوخۆیی .
پێناسه‌ی ڕێكخراوی لانه‌ی مناڵانی كوردستان
ڕێكخراوێكی مرۆڤایه‌تی ماف پارێزی خزمه‌ت گوزاری جه‌ماوه‌ری دیموكراسی سه‌ربه‌خۆیه‌ , كارده‌كات له‌پێناو به‌دیهێنانی مافه‌كانی مناڵان و پاراستنی مافه‌كانیان و به‌رجه‌سته‌بونی , بۆ به‌گه‌ڕخستنی تواناو به‌هره‌ی مناڵان , وه‌ڕێگرتن له‌و پێشێلكاریانه‌ی به‌رامبه‌ر مناڵان ده‌كرێ بێ جیاوازی كردن له‌ڕه‌گه‌ز ئاین و نه‌ته‌وه‌و.هتد. هه‌موو مناڵانی كوردستان ده‌گرێته‌ خۆ
ڕێكخراوی لانه‌ی مناڵانی كوردستان مه‌ڵبه‌ندی سه‌ره‌كی له‌شاری سلێمانی یه‌ و دوو ئۆفیسی هه‌یه‌ وه‌ك (ئۆفیسی كه‌لار – ئۆفیسی كه‌ركوك ) وه‌به‌پێی توانا ئۆفیس له‌سه‌رجه‌م شاروشارۆچكه‌كانی كوردستان ده‌كاته‌وه‌ .
سرووشتی ڕێكخراوی لانه‌ی مناڵانی كوردستان

به‌ دووئاراسته‌ كار ده‌كات :
1ـ ئاراسته‌ی یه‌كه‌م / ووشیار كردنه‌وه‌ی گه‌وره‌كان له‌مافه‌كانی مناڵان و هه‌وڵدان بۆ به‌رجه‌سته‌كردنی مافه‌كانی مناڵان وه‌كاركردن بۆ به‌مه‌ده‌نی كردنی كۆمه‌ڵگا , له‌ڕێگه‌ی كۆڕو سمینارو بلاوكراوه‌ و په‌روه‌رده‌ كردنی زانستیانه‌ی كۆمه‌ڵگا به‌زانستی سه‌رده‌م وكه‌ناڵه‌كانی ڕاگه‌یاندن به‌تایبه‌تی..هتد.
2ـ ئاراسته‌ی دووه‌م / گرنگی دان به‌ تواناو به‌هره‌ی منالان بواری په‌روه‌رده‌ و هونه‌ ر وه‌ هه‌روه‌ها دۆزینه‌وه‌وبه‌گه‌ڕخستن وگه‌شه‌پێدانی به‌هره‌و توانا هونه‌ریه‌كانیان به‌شێوه‌یه‌كی زانستی نوێ‌, له‌ شێوه‌یكردنه‌وه‌ی خولی هونه‌ری وڕێنمایی په‌روه‌رده‌یی و بڵاوكردنه‌وه‌ی نامیلكه‌ی هونه‌ری وپه‌روه‌رده‌یی له‌ڕێگه‌ی كه‌ناڵه‌كانی ڕاگه‌یاندنه‌وه‌…..هتد
ئامانجی لانه‌ی مناڵانی كوردستان
كارده‌كات بۆ به‌ڕه‌سمی ناساندنی مافه‌كانی مناڵان .
كارده‌كات بۆ داكۆكی كردن له‌مافه‌كانی مناڵان له‌كوردستان و هه‌وڵدان بۆ به‌رجه‌سته‌كردنی .
په‌روه‌رده‌كردنی مناڵان به‌زانستی سه‌رده‌م و پێشكه‌ش كردنی خزمه‌ت گوزاری بۆ مناڵانی كه‌م ئه‌ندام .
كاركردن بۆ به‌مه‌ده‌نی كردنی كۆمه‌ڵگا له‌ڕێگه‌ی په‌روه‌رده‌كردنی مناڵانه‌وه‌ .
كۆكردنه‌وه‌ی مناڵان له‌باوه‌شی ئه‌م لانه‌یه‌دا بۆ دوورخستنه‌وه‌یان له‌وشوێنه‌ گشتیانه‌ی كه‌زیان به‌مناڵان ده‌گه‌یه‌نێت .
كردنه‌وه‌ی خولی جیاجیای ڕۆشنبیری هونه‌ری وه‌رزشی زانستی له‌كاتی پشوی هاویندا به‌شێوه‌یه‌كی به‌رده‌وام
هه‌وڵدان بۆ دیاری كردن و چاره‌سه‌ركردنی ئه‌و گیروگرفتانه‌ی كه‌توشی فێرخوازانی سه‌ره‌تاییو ناوه‌ندی دێن به‌پێی توانا
ڕاهێنانی مناڵان له‌سه‌رپشت به‌خۆبه‌ستن له‌هه‌موو كارێكیاندا .
دۆزینه‌وه‌ی به‌هره‌ی منألان و هه‌ڵدان بۆ گه‌شه‌پێكردن و گرنگی دان به‌تواناو به‌هره‌ی منالان .
بواری كاركردن :
1-په‌روه‌رده‌
2-پاراستنی منال َ
3- ته‌ندروستی
4- كۆمه‌ڵایه‌تی و راگه‌یاندن
5- كه‌سه‌ راگوێزراوه‌كانی ناو عێراق IDP