ژنێكی‌ ته‌مه‌ن (25) بیست‌و پێنج ساڵ، به‌هۆی‌ كێشه‌یه‌كی‌ ته‌ندروستییه‌وه‌ منداڵدانی‌ نییه‌، به‌ڵام به‌منداڵدانی‌ دایكی‌ منداڵی‌ ده‌بێت.

(سارا ئۆتۆسۆن) كه‌ دانیشتووی‌ سویده‌، به‌هۆی‌ هه‌بوونی‌ كێشه‌یه‌ك له‌كرۆمۆسۆمه‌كانی‌، منداڵدانی‌ نییه‌و به‌و هۆیه‌وه‌ هه‌رگیز ناتوانێت منداڵی‌ ببێت، به‌ڵام بڕیاره‌ منداڵدانی‌ (ئێڤه‌ ئۆتۆسۆن)ی‌ ته‌مه‌ن (56) په‌نجاو شه‌ش ساڵ، كه‌ ده‌كاته‌ دایكی‌ سارا، بۆی‌ بچێندرێت‌و له‌و ڕێگه‌یه‌وه‌ بتوانێت منداڵ بهێنێته‌ دونیاوه‌.

شاره‌زایانی‌ بواری‌ ته‌ندروستی‌ ڕایانگه‌یاندووه‌، له‌ساڵی‌ (2000)دا ڕووداوێكی‌ هاوشێوه‌ ڕوویداوه‌و یه‌كه‌م دانانی‌ منداڵدانیان به‌سه‌ركه‌وتوویی‌ بۆ ژنێكی‌ ته‌مه‌ن (26) بیست‌و شه‌ش ساڵ داناوه‌، كه‌ له‌ژنێكی‌ ته‌مه‌ن (46) چل‌و شه‌ش ساڵییه‌وه‌ وه‌ریانگرتبوو، به‌ڵام ئه‌وكاته‌ به‌هۆی‌ چه‌ند كێشه‌یه‌كی‌ ته‌ندروستییه‌وه‌، پزیشكه‌كان ناچاربوون دوای‌ (99) نه‌وه‌دو نۆ ڕۆژ، منداڵدانه‌كه‌ی‌ ده‌ربهێننه‌وه‌، به‌ڵام پزیشكه‌كان پێیان وایه‌، ئه‌مجاره‌ ئه‌و كاره‌ سه‌ركه‌وتن به‌ده‌ستده‌هێنێته‌وه‌‌و سارا ده‌توانێت منداڵ بهێنێته‌ دونیاوه‌، به‌هۆی‌ منداڵدانی‌ دایكییه‌وه‌.
-----------------------------------------------------------------
ئا: هه‌رێز ئه‌نوه‌ر
سه‌رچاوه‌: aksam.com.tr